Hədis və təfsir mənbələrində “Onlar  yaranmışların ən yaxşılarıdır” ayəsi, həzrət Əli (ə) və onun tərəfdarlarına aid edilərək təfsir olunub.

Əhli-sünnət alimləri xəlifə təyin etmək üçün icmanı (yekdil rəyi) əsas tuturlar. Buna dəlil olaraq “iman əhlinin tutduğu yoldan başqa yolla gedərsə” ayəsini qeyd edirlər. “möminlərin yolu” dedikdə məqsəd “Peyğəmbərə itaət”dir. Ayənin mənası budur ki, hər kəs Peyğəmbərlə müxalifət edərsə, ona tabe olmazsa və möminlərin itaət etdiyi kimi ona itaət etməzsə, yeri cəhənnəm odudur.